O Grupo Naturalista Hábitat segue a medrar, e como parte imprescindibel desta mellora, presentámosvos a nova web que vimos de inagurar.

Nela estarán todos os contidos incluidos nesta web, que cesará a súa actualización en prol desta nova vía de comunicación, onde seguiremos informando das vindeiras iniciativas que desenvolva o grupo.
Ademais atoparedes multitude de recursos e información sobre este, e outros proxectos que levamos a cabo.
​
Compre salientar que esta nova realidade non sería posible sen a colaboración altruista do compañeiro Juanda Presa, responsable do deseño e desenvolvemento desta ferramenta, así como de moitos outros membros de Hábitat, que participaron na súa posta en marcha. Grazas unha vez máis a todos polo voso apoio, colaboración, tempo e esforzos...con vós Hábitat faise cada día máis grande.


Agardamos que vos guste e que gocedes con esta nova etapa que estamos a comezar!

Chioglossa lusitanica
Saramaganta
O Grupo Naturalista Hábitat, o GDR As Mariñas Betanzos e a Reserva de Biosfera Mariñas Coruñesas e Terras do Mandeo (RB MCeTM), promoven a iniciativa Especie do Ano, que consiste en nomear cada ano unha especie presente na reserva para dala a coñecer e saber un pouco máis sobre ela.

Os obxectivos das Reservas da Biosfera son, entre outros, poñer en valor os territorios, fomentar o seu desenvolvemento dun xeito sustentable, e conservar os seus valores naturais. Unha das iniciativas plantexadas para esta fin na Reserva da Biosfera Mariñas Coruñesas e Terras do Mandeo (MCeTM) é a declaración dunha especie animal ou vexetal como "especie do ano", para afondar no seu coñecemento.